Latest News

Local News
Article

Trikaripur

Politics

Karivellur

Gulf

Recent Posts

പോലീസ് റെയ്ഡ് തുടരുന്നുഅഭിഭാഷകയുടെ മുന്‍കൂര്‍ ജാമ്യം ഇന്ന് പരിഗണിക്കും

പയ്യന്നൂര്‍: തൃച്ഛംബരത്തെ റിട്ട: ഡപ്യൂട്ടി സഹകരണ രജിസ്റ്റാര്‍ പി. ബാലകൃഷ്ണന്റെ മരണം കൊലപാതകമാണെന്ന് പോലീസിന് സൂചന ലഭിച്ചു. തിരുവനന്തപുരത്തെ ആശുപത്രിയില്‍ നിന്നും ഡിസ്ചാര്‍ജ്ജ് വാങ്ങി നാട്ടില്‍ ചികിത്സിക്കാനെന്ന വ്യാജേന അഭിഭാഷകയും ഭര്‍ത്താവും സംഘവും ആംബുലന്‍സില്‍ കൊണ്ടുവരുന്നതിനിടെ ബാലകൃഷ്ണന്‍ കൊടുങ്ങല്ലൂരില്‍ വെച്ച് മരണപ്പെട്ടുവെന്നാണ് പറയുന്നത്. സംഭവവുമായി ബന്ധപ്പെട്ട് അന്ന് ആംബുലന്‍സ് ഓടിച്ച ഡ്രൈവറെ കണ്ടെത്താന്‍ പോലീസ് സംഘം ശ്രമം തുടങ്ങി. ഇയാ ളെ അന്വേഷണസംഘം കസ്റ്റഡിയിലെടുത്ത് ചോദ്യം ചെയ്യും. അവിശ്വസനീയമായ കാര്യങ്ങളാണ് നടന്നതെന്ന സൂചനകളാണ് പോലീസ് നല്‍കുന്നത്. മൃതദേഹം സംസ്‌കരിച്ച ഷൊര്‍ണ്ണൂരിലും അന്വേഷണം വ്യാപിപ്പിച്ചിട്ടുണ്ട്. അതേസയം തളിപ്പറമ്പ് തൃച്ഛംബരത്തെ ക്യാപ്ടന്‍ ഡോ. കു ഞ്ഞമ്പുനായരുടെ സ്ഥലത്ത് നിന്ന് മരം മുറിച്ചുകടത്തിയ അഭിഭാഷകയുടെ സംഘത്തിലുണ്ടായിരുന്ന കോറോത്തെയും മുതിയലത്തെയും ആളുകളെ പോലീസ് കണ്ടെത്തി. ഇവരെ താമസിയാതെ ചോദ്യം ചെയ്യും. മരം കടത്തി ക്കൊണ്ടുവന്നത് കോറോത്തേക്കാണെന്ന് പോലീസിന് ലഭിച്ച വിവരത്തെ തുടര്‍ന്നാണ് ഇത്തരമൊരു നീക്കം. എറണാകുളത്ത് എത്തിയ എസ്.ഐ.എം.എന്‍. ബിജോയിയുടെ നേതൃത്വത്തിലുള്ള പോലീസ് സംഘം അഭിഭാഷകയുടെ മകള്‍ പഠിക്കുന്ന ലോകോളേജിലും വിവിധ ലോഡ്ജുകളിലും അഭിഭാഷകയ്ക്കും ഭര്‍ത്താവിനും വേണ്ടി തെരച്ചില്‍ നടത്തിയെങ്കിലും ക ണ്ടെത്താനായില്ല. മകളുടെ ഫോ ണും സ്വിച്ച് ഓഫാണ്. അഭിഭാഷക ഫോണ്‍ തായിനേരിയിലെ വീ ട്ടില്‍ ഉപേക്ഷിച്ചാണ് മുങ്ങിയിരിക്കുന്നത്. പയ്യന്നൂരിലെ യും അന്നൂരിലെയും ഇവര്‍ എത്താനിടയുള്ള കരിവെള്ളൂരിന്‌സമീപത്തെ സുഹൃത്തിന്റെവീട്ടിലും പോലീസ് അന്വേഷണം വ്യാ പിപ്പിച്ചു.അതേസമയം അഭിഭാഷക കെ.വിഷൈലജയുടെയും ഭര്‍ത്താവ് കൃഷ്ണകുമാറിന്റെയും മുന്‍കൂര്‍ ജാമ്യാപേക്ഷ ഇന്ന് ഹൈക്കോടതി പരിഗണിക്കും. പയ്യന്നൂരിലെ പ്രമുഖ അഭിഭാഷകനാണ് ഇവര്‍ക്കുവേണ്ടി ഹൈക്കോടതിയില്‍ മുന്‍കൂര്‍ ജാമ്യാപേക്ഷ നല്‍കിയിരിക്കുന്നതെന്നാണ് സൂചന അന്വേഷണ സംഘവും ഷാഡോ പോലീസും ഇന്നലെ രാത്രിയോളം ഹൈക്കോടതി പരിസരത്ത് നിലയുറപ്പിച്ചുവെങ്കിലും അഭിഭാഷകയെ കണ്ടെത്താന്‍ കഴിയാത്തതിനെ തുടര്‍ന്ന് പയ്യന്നൂരില്‍ തിരിച്ചെത്തി. അഭിഭാഷക പയ്യന്നൂരിന് സമീപത്തെ ടൗണിലെ ഒളിത്താവളത്തില്‍ എത്തിയതായും ഇടനിലക്കാര്‍ വഴി അന്വേഷണ ഉദ്യോഗസ്ഥന് മുന്നില്‍ ഹാജാരാവാനുള്ള നീക്കവും നടക്കുന്നുണ്ടെന്നാണറിയുന്നത്.

പയ്യന്നൂര്‍ ടൗണില്‍ അഞ്ചോളം കടകളില്‍ മോഷണം; നാല് കമ്പിപ്പാരകള്‍ കണ്ടെത്തി

പയ്യന്നൂര്‍: ടൗണില്‍ മെയിന്‍ റോഡില്‍ അഞ്ചോളം കടകലില്‍ മോഷണം. ഇന്നലെ രാത്രിയിലായിരുന്നു സംഭവം. ടൗണിലെ എ.ആര്‍. വാച്ച് വര്‍ ക്‌സ്, ഭവ്യ സ്റ്റുഡിയോ, മേനക വസ്ത്രാലയം, സമീപത്തെ ജ്യോ തിഷാലയം, മെയിന്‍ റോഡ് പെരുമ്പയിലെ എസ്. പി. സ്റ്റോര്‍സ് എന്നിവിടങ്ങളിലാണ് മോഷണം നടന്നത്. കവര്‍ച്ചയ്ക്ക് ഉപയോഗിച്ച നാല് കമ്പിപ്പാരകള്‍ കെട്ടിടത്തിന് സമീപത്തെ ഷെഡ്ഡില്‍ ഉപേക്ഷിച്ച നിലയില്‍ കണ്ടെത്തി. മോഷ്ടാവ് കടവരാന്തയില്‍ മലമൂത്ര വിസര്‍ജ്ജനം നടത്തുക യും ചെയ്തിട്ടുണ്ട്. മോഷണത്തി ന് പിന്നില്‍ മൂന്നംഗ സംഘമാണെന്നാണ് പോലീസ് നല്‍ കുന്ന സൂചന. ഇന്ന് രാവിലെ കട തുറക്കാനെത്തിയപ്പോഴാണ് കടയുടെ വാതില്‍ തകര്‍ത്തത് കണ്ടത് തുടര്‍ ന്ന് പരിശോധിച്ചപ്പോള്‍ മറ്റ് കടകളുടെയും പൂട്ട് തകര്‍ത്തത് ശ്രദ്ധയില്‍ പെട്ട കടയുടമ പോലീസില്‍ വിവരമറിയിക്കുകയായിരുന്നു. ജ്യോത്സ്യരുടെ മുറിയിലെ മേശ തകര്‍ത്ത നിലയിലാണ്. മേശവലിപ്പിലുണ്ടായിരുന്നമുന്നൂറ് രൂപയോളം കവര്‍ന്നു. ഭവ്യ സ്റ്റുഡിയോയുടെ അലമാരയും തക ര്‍ത്ത നിലയിലാണ്. എസ്. പി. സ്റ്റോര്‍സിന്റെ ഷട്ടര്‍ കുത്തിത്തുറന്ന മോഷ്ടാവ് മേശവലിപ്പിലുണ്ടായ ആയിരം രൂപയോളം കവര്‍ന്നു. മോഷണ ദൃശ്യങ്ങള്‍ കടയിലെ നിരീഷണ ക്യാമറയില്‍ പതിഞ്ഞിട്ടുണ്ട്. ഇവിടെ നിന്നും ഉപേക്ഷിച്ച നിലയില്‍ താക്കോല്‍ കൂട്ടം പോലീസ് കണ്ടെത്തിയിട്ടുണ്ട്. മോഷ്ടാവിന്റേതെന്ന് കരുതുന്ന ഒരു കാവി മുണ്ട് ഉപേക്ഷിച്ച നിലയില്‍പരിസരത്തുനിന്നും പോലീസ് കണ്ടെടുത്തു.


ബിജുവധം: കുറ്റപത്രം നാളെ കോടതിയില്‍ സമര്‍പ്പിക്കും

പയ്യന്നൂര്‍: ആര്‍.എസ്. എസ്. രാമന്തളി കാര്യവാഹക് ചൂരക്കാട്ട് ബിജു(30) വധക്കേസില്‍ അന്വേഷണ സംഘം നാളെ പയ്യന്നൂര്‍ ജൂഡീഷ്യല്‍ ഒന്നാംക്ലാസ് മജിസ്‌ട്രേട്ട് കോടതിയിലാണ് കുറ്റപത്രം സമര്‍പ്പിക്കും. കേസില്‍ പന്ത്രണ്ട് പ്രതികളെ സംഘം കണ്ടെത്തിയിരുന്നു. പതിനൊന്ന്‌പേരെ അറസ്റ്റ് ചെയ്തു. ഒരാള്‍ വിദേശത്തേക്ക് കടന്നതിനാല്‍ ഇയാളെ പിടികൂടാന്‍ അന്വേഷണ സംഘത്തിന് കഴിഞ്ഞില്ല. കൊലപാതകം നടന്ന് എണ്‍ പത്തിരണ്ട് ദിവസത്തിനുള്ളിലാ ണ് കേസിലെ പ്രതികള്‍ക്കെതി രെ പോലീസ് കുറ്റപത്രംനല്‍കുന്നത്. ഊര്‍ജ്ജിതമായ അന്വേഷണ്തിനിടെ സി.ഐ. എം.പി. ആ സാദിന്റെ നേതൃത്വത്തിലുള്ള സംഘം ഒളിവില്‍ കഴയികുയായിരുന്ന പ്രതികളെ അറസ്റ്റ് ചെയ്യുകയായിരുന്നു. കൊലപാതകത്തിന് ഉപയോഗിച്ച വാഹനവും പ്രതികള്‍ സഞ്ചരിച്ച വാഹനവും വിവിധ സ്ഥലങ്ങളില്‍ നിന്നായിപോലീസ് സംഘം കണ്ടെത്തിയിരുന്നു. കൊലപാതകത്തിന് ഉപയോഗിച്ച വാളുകള്‍ കണ്ടങ്കാളി റെയില്‍വെ ഗെയ്റ്റിന് സമീപത്തെ കുറ്റിക്കാട്ടില്‍ നിന്നും കണ്ടെത്തിയിരുന്നു. ഈ കേസില്‍ അറസ്റ്റിലായ പതിനൊന്ന് പേരില്‍ മൂന്നുപേര്‍ക്ക് ഇതിനകം ജാമ്യം ലഭിച്ചിട്ടുണ്ട്.എട്ടുപേര്‍ ജയിലില്‍ റിമാന്റില്‍ കഴിയുകയാണ. ഇക്കഴിഞ്ഞ മെയ് പന്ത്രണ്ടി ന് വൈകുന്നേരമാണ് പഴയങ്ങാടിയില്‍നിന്നും സുഹൃത്തിനോടൊപ്പം ബൈക്കില്‍ വരികയായിരുന്ന ബിജുവിനെ കക്കംപാറയില്‍ വെച്ച് ഇന്നോവകാറിലെത്തിയ സംഘം കാര്‍ ബൈക്കിലിടിച്ച് വീഴ്ത്തിയശേഷം വെട്ടിക്കൊലപ്പെടുത്തിയത്. ആദ്യഘട്ടത്തില്‍ കേസിന്റെ അന്വേഷണം തളിപ്പറമ്പ് സി.ഐ. പി.കെ.സുധാകരനായിരുന്നു. തുടര്‍ന്ന് കേസന്വേഷണം പയ്യന്നൂര്‍ സി.ഐ എം.പി. ആസാദ് ഏറ്റെടുക്കുകയായിരുനനു.


ബഹുജന സത്യാഗ്രഹം തുടങ്ങി

പയ്യന്നൂര്‍: ആര്‍.എസ്. എസ് അക്രമത്തില്‍ വീട് നഷ്ടപ്പെട്ടവരുടെ ബഹുജന സത്യാഗ്രഹം പയ്യന്നൂര്‍ ടൗണ്‍ സ്‌ക്വയറില്‍ സി.പി.എം കേന്ദ്രകമ്മിറ്റി അംഗം ഇ.പി. ജയരാജന്‍ ഉദ്ഘാടനം ചെയ്തു. പയ്യന്നൂരിനെ കലാപഭൂമിയാക്കാനുള്ള ആര്‍.എസ്.എസ് നീക്കത്തിനെതിരെ കരുതിയിരിക്കണമെന്ന് അദ്ദേഹം പറഞ്ഞു. വി. നാരായണന്‍ അധ്യക്ഷനായിരുന്നു. സി. കൃഷ്ണന്‍ എം.എല്‍. എ, പി.വി. കുഞ്ഞപ്പന്‍,ജി.ഡിനായര്‍, അഡ്വ. പി. സന്തോഷ് എന്നിവര്‍ പ്രസംഗിച്ചു. സി.പി.എം ഏരിയാ സെക്രട്ടറി ടി.ഐ. മധുസൂദനന്‍ സ്വാഗതം പറഞ്ഞു.


അഭിഭാഷകയുടെ വീടിന് നേരെ കല്ലേറ്

പയ്യന്നൂര്‍: റിട്ട. ഉദ്യോഗസ്ഥന്‍ തൃച്ഛംബരത്തെ ബാലകൃഷ്ണന്റെ ദുരൂഹ മരണവും സ്വത്തും സമ്പാദ്യവും സഹോദരിയെ ഉപയോഗിച്ച് തട്ടിയെടുത്ത കേസില്‍ ഒളിവില്‍ കഴയുന്ന പയ്യന്നൂരിലെ അഭിഭാഷകയുടെ വീടിന് നേരെ കല്ലേറ്. ഇന്നലെ രാത്രിയിലാണ് സംഭവം. കേളോത്ത് തായിനേരി റോഡില്‍ താമസിക്കുന്ന അഭിഭാഷക കെ.വി. ഷൈലജയുടെ വീടിന് നേരെയാണ് കല്ലേറ്. കല്ലേറില്‍ വീടിന്റെ മുന്‍വശത്തെ ജനലുകള്‍ തകര്‍ന്നിട്ടുണ്ട്.. മാലിന്യമടങ്ങിയ പ്ലാസ്റ്റിക് കവറുകളും തകര്‍ന്ന ജനലിന് അരികെയുണ്ട്.



നോട്ടയ്ക്ക് സ്റ്റേ ഇല്ല

ന്യൂഡല്‍ഹി: ഗുജറാത്തില്‍ വരാ നിരിക്കുന്ന രാജ്യസഭാതെര ഞ്ഞെടുപ്പില്‍ നോട്ട ഏര്‍പ്പെടു ത്തിയത് സ്റ്റേ ചെയ്യണ മെന്നാ വശ്യപ്പെട്ട് കോണ്‍ഗ്രസ് സമര്‍ പ്പിച്ച ഹര്‍ജി സുപ്രീം കോട തി തളളി. ഹര്‍ജിയില്‍ പിന്നീട് വിശദ മായ വാദം കേള്‍ക്കാമെന്ന് സു പ്രീം കോടതി അറിയിച്ചു.എട്ടാം തീയതി ഗുജറാത്തില്‍നിന്നു രാ ജ്യസഭയിലേക്കു നടക്കുന്ന തെ രഞ്ഞെടുപ്പില്‍ എംഎല്‍ എമാ ര്‍ക്കു നല്‍കുന്ന ബാലറ്റില്‍ നോട്ട ഓപ്ഷനും ഉണ്ടാ കുമെന്നാണ് തെരഞ്ഞെടുപ്പ് കമ്മീഷന്‍ നേര ത്തേ അറിയിച്ചിരുന്നത്. ഇതിനെ തിരേയാണ് കോണ്‍ഗ്രസ് സു പ്രീം കോടതിയില്‍ ഹര്‍ജി സ മര്‍പ്പിച്ചത്.

കണ്ണൂര്‍ജില്ലാ നെറ്റ്‌ബോള്‍ ചാമ്പ്യന്‍ഷിപ്പ്

പയ്യന്നൂര്‍:കണ്ണൂര്‍ജില്ലാ നെറ്റ് ബോള്‍ അസോസിയേഷന്റെ ആഭിമുഖ്യത്തില്‍ എസ്.എഫ്.ഐ ഗുരുദേവ് കോളേജ് യൂനിറ്റിന്റെ സഹകരണത്തോടെ മാത്തില്‍ പഞ്ചായത്ത് മിനി സ്റ്റേഡിയത്തില്‍ നടന്ന ജില്ലാ ചാമ്പ്യന്‍ഷിപ്പ് അസോസിയേഷന്‍ പ്രസിഡണ്ട് ആര്‍. വേണുവിന്റെ അധ്യക്ഷതയില്‍ ബ്ലോക്ക് പഞ്ചായത്ത് മെമ്പര്‍ സുനില്‍കുമാര്‍ ഉദ്ഘാടനം ചെയ്തു. സീനിയര്‍ ആണ്‍കുട്ടികളുടെ വിഭാഗത്തില്‍ കുഞ്ഞിമംഗലം ഖൊഖോ ക്ലബ്ബ് ബി.ടീം ജേതാക്കളായി.
ജൂനിയര്‍ പെണ്‍കുട്ടികളുടെ വിഭാഗത്തില്‍ പയ്യന്നൂര്‍ സെന്റ് മേരീസ് ഗേള്‍സ് ഹൈസ്‌കൂള്‍ ചാമ്പ്യന്മാരായി. ജി.എച്ച്.എസ്.എസ് ചേലോറ കണ്ണൂര്‍ റണ്ണറപ്പായി. ജൂനിര്‍ ആണ്‍കുട്ടികളുടെ വിഭാഗത്തില്‍ ഖോഖോ ക്ലബ്ബ് കുഞ്ഞിമംഗലം ജേതാക്കളായി. പയ്യന്നൂര്‍ ബോയ്‌സ് ഹൈസ്‌കൂള്‍ റണ്ണറപ്പാടി സമാപന ചടങ്ങില്‍ എസ.എഫ്.#ൈ ഏരിയാ പ്രസിഡണ്ട് റംഷാദ് പെരിങ്ങോം സമ്മാനദാനം നടത്തി. അസോസിയേഷന്‍ ജോയിന്റ് സെക്രട്ടറി കെ. പ്രഭാവതി ടീച്ചര്‍, വൈസ് പ്രസിഡണട് വി.വി ശിവരാമന്‍, എക്‌സിക്യൂട്ടിവ് മെമ്പര്‍ കെ.വി.മോഹനന്‍, എസ്.എഫ്.ഐ യൂനിറ്റ് സെക്രട്ടറി ഗൗതംനാഥ്, വിശാഖ് കെ.വി, മാനസ് പി എന്നിവര്‍ സംസാരിച്ചു. വര്‍ഷങ്ങളായി മറ്റ് ജില്ലകളില്‍ പ്രചാരത്തിലുള്ള നെറ്റ്‌ബോള്‍ ഗ യിം കണ്ണൂര്‍ ജില്ലയില്‍ ആദ്യമായി പരിചയപ്പെടുത്തിയത് ജില്ലാ പ്രസിഡണ്ട് ആര്‍. വേണുവിന്റെ അധ്യക്ഷതയിലുള്ള ജില്ലാ കമ്മിറ്റിയാണ്. മൂന്നുവര്‍ഷമായി കണ്ണൂര്‍ ജില്ലയുടെ വിവിധ ഭാഗങ്ങളില്‍ പ്രചരിപ്പിക്കാന്‍കഴിഞ്ഞു. നെറ്റ് ബോളില്‍ പ്രാവീണ്യംനേടിയ നിരവധി പേര്‍ സംസ്ഥാന മത്സരങ്ങളില്‍ പങ്കെടുക്കുകയുംവിവിധസ്‌പോര്‍ട്‌സ് ഹോ സ്റ്റലുകളില്‍ സെലക്ഷന്‍ നേടിയിട്ടുമുണ്ട്. ഈ വര്‍ഷം തന്നെ പുതുതായി കണ്ണൂര്‍ജില്ലയില്‍ നിന്നും നിലവിലുള്ള റഫറിമാരെ കൂടാതെ ആറോളം പേര്‍ തൃശൂരില്‍ നടന്ന റഫറി ക്ലിനിക് പൂര്‍ത്തിയാക്കി.



സ്‌നേഹ ഒപ്പ്മരം സംഘടിപ്പിച്ചു

പയ്യന്നൂര്‍:എസ് എഫ് ഐ നെസ്റ്റ് കോളേജ് യൂണിറ്റിന്റെ നേ തൃ ത്വത്തില്‍ സ്‌നേഹ ഒപ്പ് മരം സംഘടിപ്പിച്ചു..റാഗിങ് വിരുദ്ധ കലാ ല യത്തിനായി കൈകോര്‍ക്കാംഎന്ന മുദ്രാവാക്യം ഉയര്‍ത്തി ക്കൊ ണ്ടാണ് പരിപാടി സംഘടിപ്പിച്ചത്.നെസ്റ്റ് കോളേജില്‍ നടന്ന പരിപാടി ടഎക കണ്ണൂര്‍ ജില്ലാസെക്രട്ടറി മുഹമ്മദ് സിറാജ് ഒപ്പ് രേഖപ്പെടുത്തി ഉദ്ഘാടനം ചെയ്തു,ജില്ലാ വൈസ് പ്രസിഡന്റ് കെ മനുരാജ്,ഏരിയ സെക്രട്ടറി എം വി ജിതിന്‍,ഏരിയ ജോയിന്റ് സെക്രട്ടറി ഗനില്‍ ടി സി കാവ്യ പി എന്നിവര്‍ സംസാരിച്ചു.. യൂണിറ്റ് സെക്രട്ടറി അനുരാഗ് സ്വാഗതം പറഞ്ഞു.


അനുമോദിച്ചു

പയ്യന്നൂര്‍: കണ്ണൂര്‍ സര്‍വ്വകലാശാല ഇക്കഴിഞ്ഞ വിദൂര വിദ്യാഭ്യാസവിഭാഗം ഡിഗ്രി പരീക്ഷയില്‍ ഉന്നത വിജയം നേടിയ വിദ്യാര്‍ത്ഥികളെ കോളേജില്‍ വെച്ച് അനുമോദിച്ചു. അനുമോദന സമ്മേളനം പ്രിന്‍സിപ്പാള്‍ വാസുചോറോടിന്റെ അധ്യക്ഷതയില്‍ ഗേള്‍സ് ഹയര്‍സെക്കന്ററി പ്രിന്‍സിപ്പാള്‍ കെ.വി.ശശീന്ദ്രന്‍ ഉദ്ഘാടനം ചെയ്തു. ചടങ്ങില്‍ പ്രശസ്ത സാഹിത്യകാരന്‍ വത്സന്‍ പിലിക്കോട് അനുമോദന ഭാഷണം നടത്തി. പയ്യന്നൂര്‍ സി.ഐഎം.പി. ആസാദ് വിജയികള്‍ക്ക് ഉപഹാരം നല്‍കി.ഷേ ണാ യി സ്മാരക ഹയര്‍സെക്കന്ററി സ്‌കൂള്‍ പ്രധാനാധ്യാപകന്‍ എം.കെ. രമേഷ്‌കുമാര്‍ സംസാരിച്ചു. കെ.യു അനില്‍കുമാര്‍ സ്വാഗതവും അജയന്‍ കുന്നുമ്മല്‍ നന്ദിയും പറഞ്ഞു

വയോമിത്രം: വൈദ്യപരിശോധനാ കേന്ദ്രം തുറന്നു

പയ്യന്നൂര്‍: നഗരസഭ വയോമിത്രം പദ്ധതിയില്‍ മുതിര്‍ന്ന പൗരന്മാര്‍ക്കുള്ള വൈദ്യപരിശോധനാ കേന്ദ്രം വെളളൂര്‍ കണിയേരി ജനകീയ വായനശാലയില്‍ ആരംഭിച്ചു. ഈ പദ്ധതി പ്രകാരം അറുപത്തിയഞ്ച് വയസ്സിന് മുകളില്‍ പ്രായമുള്ളവര്‍ക്ക് രണ്ടാഴ്ചയിലൊരിക്കല്‍ സൗജന്യ വൈദ്യ സഹായവും മരുന്നും ലഭിക്കും. കേന്ദ്രത്തിന്റെ ഉദ്ഘാടനം നഗരസഭാ ചെയര്‍മാന്‍ അഡ്വ. ശശിവട്ടക്കൊവ്വല്‍ നിര്‍വ്വഹിച്ചു. വൈസ് ചെയര്‍മാന്‍ കെ.പി. ജ്യോതി അധ്യക്ഷയായിരുന്നു. ആരോഗ്യ സ്റ്റാന്റിംഗ് കമ്മിറ്റി ചെയര്‍മാന്‍ എം. സഞ്ജീവന്‍, കൗണ്‍സിലര്‍ പി.പി. ദാമോദരന്‍, കെ.ടി. കൃഷ്ണന്‍, കെ. കുഞ്ഞിക്കണ്ണന്‍ മാസ്റ്റര്‍, ഡോ. അബ്ദുള്‍ ജബ്ബാര്‍, സി.എച്ച്. സിറാജ് എന്നിവര്‍ സംസാരിച്ചു.


ഡ്രൈവിംഗ് പഠിക്കുന്നതിനിടെ നിയന്ത്രണം വിട്ട കാര്‍ ബസ് സ്റ്റോപ്പിലേക്ക് പാഞ്ഞുകയറി; രണ്ടുപേര്‍ക്ക്പരിക്ക്

കാസര്‍കോട്: ഡ്രൈവിംഗ് പഠിക്കുന്നതിനിടെ നിയന്ത്രണം വിട്ട കാര്‍ ബസ് കാത്തുനില്‍ക്കുകയായിരുന്ന വിദ്യാര്‍ത്ഥികള്‍ക്കിടയിലേക്ക് പാഞ്ഞുകയറിയ ശേഷം മതിലിലിടിച്ച് നിന്നു. അപകടത്തില്‍ രണ്ട് പെണ്‍കുട്ടികള്‍ക്ക് പരിക്കേറ്റു. ഇന്നലെ വൈകുന്നേരംനാലര മണി യോടെ ഇരിയണ്ണി സ്‌കൂള്‍ ബസ് സ്‌റ്റോപ്പിന് സമീപത്താണ് അപകടം. അപകടത്തില്‍ ഇരിയണ്ണി ഗവ. ഹയര്‍ സെക്കന്‍ഡറി സ്‌കൂളിലെ പ്ലസ് വണ്‍ വിദ്യാര്‍ത്ഥിനികളായ കരിവേടകത്തെ ആല്‍ഫി മാര്‍ട്ടിന്‍ (16), കരിവേടകത്തെ അന്‍സില റോസ് തോമസ്(16) എന്നിവര്‍ക്കാണ് പരിക്കേറ്റത് ഗുരുതരമായി പരുക്കേറ്റ ആല്‍ഫിമാര്‍ട്ടിനെ മംഗളൂരുവിലെ സ്വകാര്യാശുപത്രിയിലും അന്‍സിലയെ കാസര്‍ കോട്ടെ സ്വകാര്യാശുപത്രിയിലും പ്രവേശിപ്പിച്ചു. സ്‌കൂള്‍ വിട്ട് വീട്ടിലേക്ക് പോകുന്നതിനായി ബസ് കാത്തുനില്‍ക്കുകയായിരുന്ന വിദ്യാര്‍ത്ഥി കള്‍ക്കിടയിലേക്ക് പേരടുക്കം റോഡില്‍ നിന്ന് അമിത വേഗതയിലെത്തിയ കാര്‍ പാഞ്ഞുകയറു കയായിരുന്നു. നൂറോളം വിദ്യാര്‍ത്ഥികള്‍ കൂടിനില്‍ക്കുകയായിരുന്ന ഭാഗത്തേക്കാണ് കാര്‍ ഇരച്ചെത്തിയത്. മറ്റുള്ള വിദ്യാര്‍ത്ഥികള്‍ ഓടി മാറിയെങ്കിലും തിക്കിലും തിരക്കിലും പെട്ട് അതിന് കഴിയാതിരുന്ന രണ്ട് പെണ്‍കുട്ടികളെ കാര്‍ ഇടിച്ചുതെറിപ്പിക്കുകയായിരുന്നു. നിയന്ത്രണം വിട്ട കാര്‍ തൊട്ടടുത്ത വീടിന്റെ മതിലില്‍ ഇടിച്ച് നില്‍ക്കുകയാണുണ്ടായത്. നാട്ടുകാര്‍ എത്തിയാണ്പരിക്കേറ്റവരെ ആശുപത്രിയി ലെത്തിച്ചത്. കാറിലുണ്ടായിരുന്നവര്‍ ഡ്രൈവിംഗ് പഠിക്കുകയായിരുന്നു വെന്നും ഇതാണ് അപകടത്തിനിടയാക്കിയ തെന്നും ദൃക്‌സാക്ഷികള്‍ പറഞ്ഞു.


ഡോ.ടി.വി സുകുമാരനെ അനുസ്മരിച്ചു

പയ്യന്നൂര്‍: യുവകലാസാഹിതി പയ്യന്നൂര്‍ ഡോ.ടി.വി സുകുമാരന്‍ അനുസ്മരണം സംഘടിപ്പിച്ചു. പയ്യന്നൂര്‍ വ്യാപാരി ഭവനില്‍ വെച്ച് നടന്ന അനുസ്മരണ പരിപാടിയില്‍ യുവകലാസാഹിതി ജില്ലാ സെക്രട്ടറി ടി. പ്രകാശന്‍ മാസ്റ്റര്‍ അനുസ്മരണ പ്രഭാഷണം നടത്തി. ശ്രീരാമകൃഷ്ണന്‍ കണ്ണോം, എന്‍.വി ഭാസ്‌കരന്‍ എന്നിവര്‍ ആശംസകളര്‍പ്പിച്ച് സംസാരിച്ചു. യോഗത്തില്‍ വി.ടി.വി മോഹനന്‍ മാസ്റ്റര്‍ അധ്യക്ഷനായിരുന്നു. കെ.വി പത്മനാഭന്‍ സ്വാഗതവും കെ.വി. ബാലന്‍ നന്ദിയും പറഞ്ഞു.

നീന്തല്‍ പരിശീലനം

പയ്യന്നൂര്‍: ഫയര്‍റെസ്‌ക്യൂസ്റ്റേഷന്‍ ജലരക്ഷാ പദ്ധതിയുടെ ഭാഗമായി ഗവ. എള്‍.പി. സ്‌കൂള്‍ (തപാല്‍ സ്‌കൂള്‍) വിദ്യാര്‍ത്ഥികള്‍ക്കായുള്ള നീന്തല്‍ പരിശീലനം തുടങ്ങി. പയ്യന്നൂര്‍ സുബ്രഹ്മണ്യസ്വാമി ക്ഷേത്രക്കുളത്തിലാണ് പരിശീലനം. കെ.പി. ബാലകൃഷ്ണന്റെ അധ്യക്ഷതയില്‍ നഗരസഭാ ചെയര്‍മാന്‍ അഡ്വ.ശശിവട്ടക്കൊവ്വല്‍ ഉദ്ഘാടനം ചെയ്തു. നഗരസഭ കൗണ്‍സിലര്‍ ശ്രീകാന്ത്, പ്രധാനാധ്യാപകന്‍ ടി.വി. ഭരതന്‍, കെ.വി പ്രഭാകരന്‍, എം. പ്രേമന്‍ എന്നിവര്‍ സംസാരിച്ചു


ഉന്നതരുടെ പങ്ക് അന്വേഷിക്കണം

പയ്യന്നൂര്‍: വ്യാജ വിവാഹത്തിലൂടെ പയ്യന്നൂരിലെ അഭിഭാഷകയുടെ നേതൃത്വത്തില്‍ സ്വത്ത് തട്ടിയെടുത്ത സംഭവത്തില്‍ ഉന്നത രാഷ്ട്രീയ നേതൃത്വത്തിന്റെ പങ്കും അന്വേഷിക്കണമെന്നും അഭിഭാഷകയെ രാഷ്ട്രീയ പാര്‍ട്ടിയുടെ നേതൃ സ്ഥാനത്ത് നിന്ന് നീക്കം ചെയ്യണമെന്നും കുടുംബ കാര്യങ്ങള്‍ ബാലകൃഷ്ണന്റെ അനുജന്‍ രമേശനില്‍ നിന്നും സമര്‍ത്ഥമായി മനസ്സിലാക്കി സ്വത്തിനായി സ്വന്തം ചേച്ചിയെ ബലിയാടാക്കിയ അഭിഭാഷകയെ നിയമത്തിന് മുന്നില്‍ കൊണ്ടുവരണമെന്നും ഐ.എന്‍.ടി.യു.സി ജില്ലാ ഓര്‍ഗനൈസിംഗ് സെക്രട്ടറി ആര്‍.വേണു ആവശ്യപ്പെട്ടു.

മോഡിയും പിണറായിയും തുടരുന്നത് ജനവിരുദ്ധനയം- ലോയേഴ്‌സ് കോണ്‍ഗ്രസ്സ്

പയ്യന്നൂര്‍: ജനങ്ങളെ നേരിട്ട് ബാധിക്കുന്ന ജി.എസ്.ടി പോലുള്ള ജനവിരുദ്ധ നിയമങ്ങള്‍ നടപ്പാക്കുന്ന മോദി സര്‍ക്കാരും ജനാധിപത്യ വിരുദ്ധവും സ്വേച്ഛാധിപത്യപരവുമായ നടപടികളിലൂടെ ജനങ്ങളുടെയും മാധ്യമങ്ങളുടെയും സ്വാതതന്ത്ര്യവും ഇല്ലാതാക്കുന്ന പിണറായി സര്‍ക്കാരും നിയമ നിര്‍മ്മാണ സംഭകളെ നോക്കുകുത്തിയാക്കുകയാണെന്ന് ലോയേഴ്‌സ് കോണ്‍ഗ്രസ്സ് സമ്മേളനം. അഡ്വ. ഡി.കെ. ഗോപിനാഥ് അധ്യക്ഷത വഹിച്ചു. ഇന്ത്യന്‍ ലോയേഴ്‌സ് കോണ്‍ഗ്രസ്സ് സംസ്ഥാന ജനറല്‍ സെക്രട്ടറി അഡ്വ. തങ്കച്ചന്‍ മാത്യു ഉദ്ഘാടനം ചെയ്തു. ജില്ലാ കോണ്‍ഗ്രസ്സ് കമ്മിറ്റി സെക്രട്ടറിമാരായ അഡ്വ. കെ ബ്രിജേഷ് കുമാര്‍, അഡ്വ. നൗഷാദ് വാഴവളപ്പില്‍, സീനിയര്‍ അഭിഭാഷകരായ കെ. പത്മനാഭന്‍, ഡി.കെ. കുഞ്ഞിക്കണ്ണന്‍, കെ. പ്രേംകുമാര്‍, അനില്‍മാത്യു എന്നിവര്‍ സംസാരിച്ചു. ആഗസ്ത് ആറിന് ഞായറാഴ്ച കണ്ണൂരില്‍ വെച്ച് നടക്കുന്ന ജില്ലാ സമ്മേളനവും പതിമൂന്നിന് എറണാകുളത്തും വെച്ച് നടക്കുന്ന ലോയേഴ്‌സ് കോണ്‍ഗ്രസ്സ് സംസ്ഥാന സമ്മേളനവും വിജയിപ്പിക്കാന്‍ യൂനിറ്റ് സമ്മേളനത്തില്‍ തീരുമാനമായി.

ചുമര്‍ ചിത്രകല പരിശീലനം ഉദ്ഘാടനം

പയ്യന്നൂര്‍: ഗ്രാമം പ്രതിഭ മഹിളാ സമാജത്തിന്റെയും തൃക്കരിപ്പൂര്‍ ഫോക് ലാന്റിന്റെയും സംയുക്താഭിമുഖ്യത്തില്‍ ചുമര്‍ ചിത്രകലയുടെ സാങ്കേതികത ഉപയോഗിച്ച് സാരികളിലും മറ്റ് വസ്ത്രങ്ങളിലും ചിത്രം വരയ്ക്കാന്‍ ഉതകുന്ന രീതിയില്‍ വനിതകളെ മൂന്നുമാസം കൊണ്ട് പരിശീലിപ്പിക്കുന്ന കോഴ്‌സിന്റെ ഉദ്ഘാടനം പയ്യന്നൂര്‍ നഗരസഭാ വൈസ് ചെയര്‍മാന്‍ കെ.പി. ജ്യോതി നിര്‍വ്വഹിച്ചു. ഫോക് ലാന്റ് ചെയര്‍മാന്‍ വി. ജയരാജന്‍ അധ്യക്ഷത വഹിച്ചു. പി.യു. രാജന്‍, വി.കെ. നളിനി ടീച്ചര്‍, പി. ഉമാദേവി തുടങ്ങിയവര്‍ സംസാരിച്ചു. തുടര്‍ന്ന് പ്രശസ്ത ചിത്രകലാ വിദഗ്ധന്‍ കെ.ആര്‍.ബാബു ക്ലാസെടുത്തു

കോലെടുക്കല്‍ ചടങ്ങ് നടന്നു

പയ്യന്നൂര്‍: യൂത്ത് സെന്റര്‍ പയ്യന്നൂരിന്റെ നേതൃത്വത്തില്‍ ഗുരുക്കള്‍ കെ. ശിവകുമാര്‍ പരിശീലിപ്പിക്കുന്ന കുട്ടികളുടെ കോല്‍ക്കളി ബാച്ചിന്റെ കോലെടുക്കല്‍ ചടങ്ങ് നടന്നു. പയ്യന്നൂര്‍ ശ്രീപ്രഭ ഓഡിറ്റോറിയത്തില്‍ടി.വി രാജേഷ് എം.എല്‍.എ ഉദ്ഘാടനം ചെയ്തു. പയ്യന്നൂര്‍ നഗരസഭാ ചെയര്‍മാന്‍ അഡ്വ. ശശി വട്ടക്കൊവ്വല്‍ മുഖ്യാതിഥായായിരുന്നു.എസ്. രജനീകാന്ത്, കെ. ഗണേഷ്, ടി. വിശ്വനാഥന്‍, #ി. മോഹനന്‍, കെ. ശിവകുമാര്‍, പി.വി. കൃഷ്ണന്‍ എന്നിവര്‍ സംസാരിച്ചു. ചടങ്ങില്‍ മുപ്പത് കുട്ടികള്‍ പങ്കെടുത്തു.



റിട്ട; ഉദ്യോഗസ്ഥന്റെ ദുരൂഹ മരണംപ്രതികളെ ഉടന്‍ അറസ്റ്റ് ചെയ്യണം

പയ്യന്നൂര്‍: തളിപ്പറമ്പിലെ റിട്ട. സഹകരണ രജിസ്ട്രാര്‍ ബാലകൃഷ്ണന്റെ തിരോധാനവും അതു സംബന്ധിച്ചുണ്ടായ സംശയവും ദുരീകരിക്കണമെന്നും പ്രതികള്‍ എത്ര ഉന്നതരായാലും ഉടന്‍ അറസറ്റ് ചെയ്യണമെന്നും പയ്യന്നൂര്‍ മണ്ഡലം കോണ്‍ഗ്രസ്സ് പ്രസിഡ ണ്ട് കെ. ജയരാജ് ആവശ്യപെട്ടു. ഈ കേസുമായി ബന്ധപ്പെട്ട് പ്ര തി ചേര്‍ക്കുവാന്‍ സാധ്യതയുള്ള അഭിഭാഷകയുടെ കോണ്‍ഗ്രസ് ബന്ധത്തെക്കുറിച്ചുംഅതിനാവശ്യമായ സഹായം നല്‍കിയത് കോണ്‍ഗ്രസ്സ് നേതൃത്വവുമാണെന്ന പ്രചാരണവും അടിസ്ഥാന രഹിതമാണെ ന്നുംക ണ്‍ഗ്രസ്സ് നേതൃത്വം വാര്‍ത്താകുറിപ്പില്‍ പറഞ്ഞു. ഈ കേസ് അന്വേഷിക്കണമെന്നും പ്രതികളെ ഉടന്‍ പിടികൂടണമെന്നും ആവശ്യപ്പെട്ട് രൂപീകരിച്ച തളിപ്പറമ്പിലെ ആക്ഷന്‍ കമ്മിറ്റിയുടെ അധ്യക്ഷ മഹിളാ കോണ്‍ഗ്രസ്സ് ജില്ലാ പ്രസിഡണ്ട് രജനി രമാനന്ദ് ആണ്. കെ.വി. ജാനകിയ്ക്ക് വ്യാജരേഖകള്‍ റ സിഡന്‍ഷ്യല്‍ സര്‍ട്ടിഫിക്കറ്റ് നല്‍ കിയ കോറോം വില്ലേജിലെ യും പയ്യന്നൂര്‍ വില്ലേജിലെയും ദ്യോഗസ്ഥര്‍ ഇടുതപക്ഷ അനുകലൂ സംഘടനയില്‍ പെട്ടവാണെന്ന് അന്വേഷിച്ചാല്‍ വ്യക്തമാകുമെ ന്നും കൃത്രിമ രേഖകള്‍ ചമയ്ക്കാ ന്‍ കൂട്ടിനിന്ന അധ്യാപകനും ഇടതുപക്ഷ യൂനിയനില്‍ സജീ വ മായി പ്രവര്‍ത്തിക്കുന്ന വ്യക്തിയാണെന്നുംഇപ്പോള്‍ ഈ കേസ് അ ട്ടിമറിക്കാന്‍ സഹായംനല്‍കുന്ന ത് പയ്യന്നൂര്‍ ബാറിലെ പ്രമുഖരാ യഇടതുപക്ഷ അഭിഭാഷകനാണെ ന്ന് ആരോപണമുണ്ടെന്നും കോ ണ്‍ഗ്രസ്സ് നേതൃയോഗം പറഞ്ഞു. ഈ കാര്യങ്ങളെ കുറിച്ച് അ ന്വേഷിച്ച് പ്രതികളെ പിടികൂടണമെന്നും ഇതിന് പിന്നില്‍ പ്രവ ര്‍ത്തിച്ചവര്‍ക്കെതിരെ മാതൃകാപരമായി ശിക്ഷിക്കണമെന്നും അ ന്വേഷണ ഉദ്യോഗസ്ഥരോട് ആവശ്യപ്പെട്ടു



ക്ഷീര സംഘം കെട്ടിടോദ്ഘാടനം

കരിവെള്ളൂര്‍: നിടുവപ്പുറം ക്ഷീരോത്പാദക സഹകരണ സംഘം കെട്ടിടോദ്ഘാടനം ബ്ലോക്ക് പഞ്ചായത്ത് പ്രസിഡണ്ട് സി. സത്യപാലന്‍ നിര്‍വ്വഹിച്ചു. കെ. നാരായണന്‍ അധ്യക്ഷനായിരുന്നു. വി.വി. സരോജിനി, ടി.വി. വിനോദ് കുമാര്‍, ഇ.പി. കരുണാകരന്‍, എം.വി അപ്പുക്കുട്ടന്‍, പി.പി. ചന്ദ്രശേഖരന്‍, കെ.ഇ. മുകുന്ദന്‍, പി.പി. കുഞ്ഞിക്കണ്ണന്‍, കെ. കൃഷ്ണന്‍, പി.വി. നാരായണന്‍ തുടങ്ങിയവര്‍ സംസാരിച്ചു.


രാമായണ പ്രഭാഷണവും ക്വിസ് മത്സരവും

കരിവെള്ളൂര്‍: മണക്കാട് കോട്ടൂര്‍ മഹാവിഷ്ണു ക്ഷേത്രം രാമായണ മാസാചരണത്തിന്റെ ഭാഗമായി പ്രഭാഷണവും ക്വിസ് മത്സരവും നടക്കും. ആറിന് ഞായറാഴ്ച വൈകുന്നേരം ആറരമണിക്ക് ബാലകൃഷ്ണന്‍ പുത്തൂര്‍ പ്രഭാഷണം നടത്തും. രാത്രി എട്ട് മണിക്ക് പതിനഞ്ച് മുതല്‍ ഇരുപത്തിയഞ്ച് വയസ്സ് വരെയുള്ള വിദ്യാര്‍ത്ഥികള്‍ക്കായി ക്വിസ് മത്സരം നടക്കും രണ്ടുപേരടങ്ങുന്ന ടീമായിട്ടാണ് മത്സരം

Videos